Тыжден Православной Культуры в Ґорлицях

Акафістом св. Максимови Ґорлицкому на пляци перед ґорлицкым судом в неділю 31. серпня т.р. зачал ся в Ґорлицях Тыжден Православной Культуры орґанізуваний Православным Осередком Культуры Елпіс в Ґорлицях.

В понедільок 1. вересня проходил вернісаж выставы Талергоф 1914-1917. О тым, чом памят про нашу історию є важна не лем для нас, можете переконати ся по переслуханю короткой реляциі з вернісажу:

Віторок 2. вересня был дньом отворіня выставы Лемківскы церкви – колекциі понад 40 образів авторства Павла Лопаты, маляря русиньского походжыня зо Словациі (тепер жыє в Канаді), вказуючых русиньскы церкви обох сторін Карпат, част з них намалюваных в заскакуючій кольористыці, што становит о вынятковости той колекциі і чым зазначыл свій абстракцийний малярскій стиль автор Павел Лопата, в якым головні малює. Як подабало ся тото обзераючым? Бесідує лемківскій народний маляр Штефан Телеп зо Ждыні:

Наступны подіі Тыжня… то концерты церковной музыкы в середу 3. серпня в церкви св. Тройци в Ґорлицях, а в четвер в Креници. Тыжден… кінчыт ся торжествeнныма богослужынями з нагоды 100. річниці смерти і 20. причысліня до лику святых сщмч. Максима Ґорлицкого, якы проходити будут 5. і 6. вересня в церкви св. Тройци в Ґорлицях.