Уж єст – нова «Бесіда»

Доступний єст найновший номер часопису «Бесіда» (но. 3 (144), май-червец 2015), a в ним до прочытаня м.ін.:

• Севериян Косовскій, Минул ся нам VII Конґрес Стоваришыня Лемків;
• Андрий Копча, Справозданя з діяльности ГЗ Стоваришыня Лемків (2011-2015);
• Даміан  Трохановскій, 130. річниця народжыня Методия Трохановского;
• Павло Роберт Маґочій, Европейська Україна чи евразійська Малоросія;
• Петро Козьміньскі, Никыфор в краківскым МОЦАК-у;
• Севериян Косовскій, Власти Стоваришыня Лемків выбраны на VII Конґресі- біоґрамы;
• Мария Дубец, Лемкы здомінували «Кромера». 

Двомісячник «Бесіда» то часопис Головного Заряду Стоваришыня Лемків, выходит од 1989 рока, посвячений єст збережыню істориі, культуры і языка Лемків, інформуючий о жытю нашой і братніх нам соспільности, плекаючий вірні надіі прадідів і вітців.

«Бесіду» мож почытати в бібліотеці Руской Бурсы в Ґорлицях, котра отворена єст в каждий понедільок в годинах 14.00-18.00, або по індивідуальным догваріню в інчым терміні. Ґазета є тіж доступна в бібліотеці Кружка Стоваришыня Лемків в Ліґници.