В Креници проходил вернісаж фотоґрафічной выставы о Сандецкым Бескіді

В неділю, 10. червця/юнія 2018 р., в реставрациі Крісталь Патіо в Креници проходил вернісаж фотоґрафічной выставы о Сандецкым Бескіді получений з оповістями о реґіоні.

Орґанізатором подіі была ґрупа «Одкрый Бескід», основана фотоґрафом з Мушыны – Конрадом Роґозіньскым. Цілю ансамблю є промувати Сандецкій Бескід та Лемковину на обшыри, на якій ся находят. Акцию вела Зузанна Длуґош – провідничка і аніматорка свобідного часу, яка оповідала м.ін. о кухни реґіону, в тым тіж о лемківскых специялах. О культурі і істориі Лемків бесідувал Якуб Зиґмунт, спілпрацівник Стоварышыня «Руска Бурса» в Ґорлицях. Вернісаж был получений з деґустацийом реґіональной кухні з обшыри Сандецкого Бескіду.

Більше о ґрупі «Одкрый Бескід» мож чытати на страні odkryjbeskid.pl.