Голосник

В Ліґници зачал ся ІІ Надзвычайний Конґрес Стоваришыня Лемків

Як уж заявляли сме перше на нашым портали, на днес (23.04.2016) Головний Заряд Стоваришыня Лемків в Ліґници скликал надзвычайний конґрес орґанізациі. То другій позашоровий конґрес СЛ (перший одбыл ся 25. марця 2014 р. з нагоды 25-літя орґанізациі) і проходит рік по VII Конґресі СЛ, котрий в ліґницкій сідибі при ул. Зофіі Коссак одбыл ся 25. квітня/апріля 2015 р., што дає третє запоряд конґресове засіданя СЛ рік-по-рік, на котрым присутны сут делеґаты з поєдных кружків орґанізациі.

В пропонуваным порядку находят ся два головны пункты:

  • персональны зміны в головній ревізийній комісиі стоваришыня – зголошуваня кандидатів і выборы,
  • дискусия і голосуваня над пропозициями змін в статуті стоваришыня, котры прирыхтувала і представила кінцьом січня/януара 2016 р. робоча ґрупа, покликана до той справы.

Як передвидує статут Стоваришыня Лемків, надзвычайний конґрес орґанізациі мусит ся одбыти не дальше як 4 місяці по його оголошыню і може занимати ся лем тыма проблемами, ґу котрым был скликаний.


Стоваришыня было зареґіструване 7. квітня/апріля 1989 рока, будучы першом по політичных перемінах кінця 80. рр. лемківском/русиньском орґанізацийом в Польщы. СЛ было ініциятором ввведіня наукы лемківского языка до основных і середніх шкіл, як тіж орґанізуваня лемківской філолоґіі на Педаґоґічным Університеті в Кракові (товды Педаґоґічна Академія). Против вчыню лемківского языка в школах од початку остро протестували украіньскы орґанізациі. Од початку (1991  р.) єст членом Світового Конґресу Русинів. Пресовым орґаном стоваришыня єст двомісячник «БЕСІДА», котрого перший номер вказал ся 30. червця/юнія 1989 рока.

logo_sl_main

Шеруй.

О авторі

Демко Трохановскій

Актуальні ховат дві дівкы, а медже, по і попри тым - редактор інтернетового порталю lem.fm. Любитель языків. Вшыткых языків.

Коментарі

В Ліґници зачал ся ІІ Надзвычайний Конґрес Стоваришыня Лемків

Як уж заявляли сме перше на нашым портали, на днес (23.04.2016) Головний Заряд Стоваришыня Лемків в Ліґници скликал надзвычайний конґрес орґанізациі. То другій позашоровий конґрес СЛ (перший одбыл ся 25. марця 2014 р. з нагоды 25-літя орґанізациі) і проходит рік по VII Конґресі СЛ, котрий в ліґницкій сідибі при ул. Зофіі Коссак одбыл ся 25. квітня/апріля 2015 р., што дає третє запоряд конґресове засіданя СЛ рік-по-рік, на котрым присутны сут делеґаты з поєдных кружків орґанізациі.

В пропонуваным порядку находят ся два головны пункты:

  • персональны зміны в головній ревізийній комісиі стоваришыня – зголошуваня кандидатів і выборы,
  • дискусия і голосуваня над пропозициями змін в статуті стоваришыня, котры прирыхтувала і представила кінцьом січня/януара 2016 р. робоча ґрупа, покликана до той справы.

Як передвидує статут Стоваришыня Лемків, надзвычайний конґрес орґанізациі мусит ся одбыти не дальше як 4 місяці по його оголошыню і може занимати ся лем тыма проблемами, ґу котрым был скликаний.


Стоваришыня было зареґіструване 7. квітня/апріля 1989 рока, будучы першом по політичных перемінах кінця 80. рр. лемківском/русиньском орґанізацийом в Польщы. СЛ было ініциятором ввведіня наукы лемківского языка до основных і середніх шкіл, як тіж орґанізуваня лемківской філолоґіі на Педаґоґічным Університеті в Кракові (товды Педаґоґічна Академія). Против вчыню лемківского языка в школах од початку остро протестували украіньскы орґанізациі. Од початку (1991  р.) єст членом Світового Конґресу Русинів. Пресовым орґаном стоваришыня єст двомісячник «БЕСІДА», котрого перший номер вказал ся 30. червця/юнія 1989 рока.

logo_sl_main

Шеруй.

О авторі

Демко Трохановскій

Актуальні ховат дві дівкы, а медже, по і попри тым - редактор інтернетового порталю lem.fm. Любитель языків. Вшыткых языків.

Коментарі