В церкви в Лабовій одкрыто забытковий іконостас

Як заявлят інформацийний порталь www.sadeczanin.info, в забытковій церкви Покровы Пресвятой Богородиці в лемківскым селі Лабова, при нагоді реставрациі церковного розпису консерваторы нашли елементы старого іконостасу. Находил ся він на поді спомненой святыні.

Ци остане одреставруваний і приведений на своє місце – на разі не знаме. Рішыня правдоподібні буде лежало в руках теперішнього рымокатолицкого священника з Лабовы.

Речений іконостас перший раз єст выміняний в акнєті з 1818 р., котра описувала выгляд і выстрій лабівской церкви.

Веце інформаций найдете за приведеным горі мотузком.