В єден ден на св. Гору Явір

По тридньовым поломництві на св. Гору Явір, котре проходило в липци/юлию текучого рока, грекокатолицкы вірны выберут ся онедолга на коротше – єднодньове, жебы вознести молитвы в святым місци, де обявила ся Божа Мати.

В суботу, 15. вересня/септембра 2018, іщы раз того рока вірны будут піше путувати до Явірской Богородиці. Поломництво зачне ся в Баници, а його долгіст то 12 км. По молитві о 15.00 год. в баницкій церкви, пут буде вюл через Ізбы і Біличну, де в обох тамтышніх церквах поломникы пристанут на короткы богослужыня. Пак, польско-словацком границьом придут на ок. 21.00 год. на вершок св. Горы Явір.

На поломництво мож ся записати, реґіструючы ся до 14. вересня/септембра 2018 р. на сайті www.gora-jawor.pl. Там же находят ся детальны орґанізацийны інформациі.