Поломництво на св. Гору Явір – фотореляция

В минулу пятницю, 20. липця/юлия 2018 р., скінчыло ся грекокатолицкє поломництво на св. Гору Явір, якє о два дни перше рушыло з Крениці. При планній хвили, але з надійом і молитвом вірны ішли через горы Лемковины до святого місця.

Поломникы в перший ден вышли по Службі Божій спід храму свв. Петра і Павла в Креници, а пак, ідучы улицями курорту, через Мохначку дошли до ізбяньской Баниці. По дорозі молили ся в обох церквах, де в річницю народжыня і мученичой смерти служыли акафисты до св. Павла Петра Ґойдича, грекокатолицкого пряшівского єпископа, замученого комуністами во вязници.

Другій ден пут вюл через Ізбы, де поломникы возносили молитвы перед чудотворном ізбяньском іконом Покровы Пресвятой Богородиці, пак Біличну, Ріпкы до Ганчовы, а в послідній ден поломникы пришли на св. Гору Явір через Высову. На місци о 9.30 год. правлений был молебен до Пресвятой Богородиці, а пак архієрейска Служба Божа, котру очелювал Архієпископ Митрополита Євген Попович (Перемышль) в спілслужыню з владыком Владиміром Ющаком (Вроцлав).

Єдным з орґанізаторів тогорічного поломництва был. о. діякон Григорий Пацан, котрий повіл пару слів для радия лем.фм:

Маме і знимкы од орґанізаторів,за котры сердечно дякуєме.