Варштаты з реалізациі звуку і концерт Ігоря Куцера

Стоваришыня «Руска Бурса» в Ґорлицях, Русиньскє культурно-освітнє общество А. Духновича в Пряшові та Вседержавний Русиньскій Самоуряд з Будапешту сердечні просят на дводньовы медженародны варштаты зо звукозапису і авдийообробкы, котры пройдут 3.-4. червця/юнія 2017 р. в будинку Руской Бурсы в Ґорлицях. Варштаты вести будут специялісты в ділині звуку – др інж. Маґдалена Плева і др інж. Павел Малецкій.

На закінчыня першого дня варштатів, 3. червця/юнія, заміряний єст концерт пн. Пісні мойой мамы Юлиі. Русиньскій артиста Ігор Куцер разом з ансамбльом Emotion Group дадут выступ в Ґалериі Штукы Двір Карвациянів в Ґорлицях. По концерті орґанізаторы просят на ватру.

Кєд хочете взяти участ в дармовых варштатах, старчыт ся зголосити, найпізнійше до 30. мая 2017 р., пишучы на адрес radio@lem.fm. Чысло місц ограничене.

Варштатова стірча і концерт орґанізуваны сут в рамках проєкту Pro Rusyn Radio Programme, што реалізуваний єст дякы фінансовій підтримці Медженародного Вышеградского Фонду.

Проґрам:

субота – 3.06.2017

11.00-14.00 – Фізычны основы звуку (др інж. П. Малецкій)

14.00-15.00 – Полуденок

15.00-17.00 – Основны процесоры звуку в радийовій технолоґіі (др інж. М. Плева)

18.00-20.00 – Концерт Ігоря Куцера (Двір Карвациянів)

20.00 – Інтеґрацийна ватра

неділя – 4.06.2017

8.00-9.00 – Сніданя

12.00-14.00 – Основы монтажу звуку (др інж. П. Малецкій)

14.00-15.00 – Полуденок

15.00-17.00 – Обслуга інтернетовых сервісів бродкастовых (др інж. П. Малецкій)

17.00-19.00 – Мікс радийовых проґрамів (др інж. М. Плева)