Велика Война в малым місті. Ґорлиці в роках 1914-1918

Видавництво Historia Iagellonica вказало на своім сайті заповід єдной з іх найнoвшых публикаций – т.є. книжку Велика Война в малым місті. Ґорлиці в роках 1914-1918. Єй автором єст Каміль Рушала – абсольвент історычного факультету Ягайлоньского Університету та Університету в Відни, занвця подій І Світовой Войны в Галичыні, родом з Ясла.

В Ґорлицях, праві сімтисячным місточку в Галичыні, перед 1914 роком нихто не здавал сой справы чым єст война. Вісти o єй початку найперше выкликали цікавіст, котра пак перешла в страх і тырвогу. Част жытелів втекла. Так само зробили містецкы власти. Oпіку над містом перенял о. Броніслав Свєйковскі. Тоты, котры остали в місті, досвідчыли росийской окупациі та жыли в біді під неперестанным острілюваньом. В маю 1915 рока были свідками величезной битвы. По заперестаню боів і лишыню міста через Росиян, ждало іх жытя в руіні, серед раненых і вбитых. Бракувало ідла, облечыня, дров, угля. Прібували стабілізувати штоденне жытя – без успіхів. На осін 1918 рока пришли політычны зміны, але люде іщы долго змагали ся з проблемами, якы принесла Велика Война. Єдным з єй слідів в Ґорлицях єст пропамятна таблиця на будинку місцевого суду, під котрым в 1914 році без судового рішыня австрийскы власти розсртіляли о. Максима Сандовича, Лемка зо Ждыні – тепер, вынесеного на олтарі православном церквом, священномученика Максима Ґорлицкого. В 2012 році Рада Міста Ґорлиці, на внесок владикы Паісия, єпископа ґорлицкого, установила того святого покровительом православных жытелів міста.

фот горі: sekowa.info