Голосник

VI Всеукраінскій фестіваль-конкурс „Лемківска Писанка”

В днях од 4 до 6 квітня 2014 рока во Львові одбуде ся VI Всеукраінскій фестіваль-конкурс Лемківска Писанка

Плян фестівалю:

4 квітня 2014 р. (Украінскій Католицкій Університет)
12.00-13.00 – реєстрация участників фестівалю
13.00 – отвертя фестівалю, выстава писанкы
13.00-16.00 – майстер-клясы з писанкарства при участи майстрів лемківской писанкы

5 квітня 2014 р. (Дітяча Школа Народных Мистецтв)
9.00-10.00 – дальша реєестрация участників фестівалю
10.00-10.30 – привитальне слово авторів проєкту
10.30-11.30 – выступы фолкльорных ансамблів
11.30-14.00 – майстер-клясы з писанкарства при участи майстрів лемківской писанкы
14.00-15.00 – полуденок
15.00-17.00 – округлий стіл на тему Великодны традициі і закодоване писмо лемківской писанкы

6 квітня 2014 р.
10.00-12.00 – спільна молитва на Богослужыню в лемківскій церкви в Шевченківскым Гаю (адрес ул. Чернеча 1, Львів)
15.00 – отвертя выставы Намалюй мі писанку, выставы знимок Віктора Солинка Лемківщино Моя і вручыня грамот участникам фестівалю в Львівскым Музею Етноґрафіі і Рукоділа (пляц Свободы 15, Львів)

Охочы до участи в фестівалю прошены сут о зголошыня ся до 31 марця 2014 рока. Дрібниці за адресом www.lemky.com

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі