Співоча ґрупа «Відимо» зо Санока, якой велику част репертуару занимают русиньскы, лемківскы співанкы, уж в найблизшу неділю выступит на концерті духовной пісні в чест святой великомучениці Варвары під назвом Коли приде любов? в православній церкви в Словинках, бывшым русиньскым селі на Словациі.
«Відимо» запрезентує паралітургічны творы та коляды, бо окрем ріжных карпатскых народных співанок і такы мат в своім репертуарі. Цілий концерт зачне ся о 16.00 год., а окрем Відима выступлят іщы:
- Митрополичний Хор Православной Церкви,
- Хор при Катедральным Храмі Успіня Пресвятой Богородиці та св. Йоана Милостивого в Кошыцях,
- дует з Орябины,
- Хор св. вмч. Варвары в Словинках.