Вмер о. Тома Гопко (1939-2015)
З жальом інформуєме, же 18. марця 2015 рока вмер о. прот. Тома Гопко. Полнил функцию декана православной семінариі св. Владиміра в Ню Йорку в роках 1992-2002.
Покійний вродил ся 28. марця 1939 рока, в Ендікот, в стані Ню Йорк, в родині русиньскых еміґрантів. Крещений был в карпато-русиньскій парафіі в Ендікот. Його предкы мают родинны звязкы з русиньскым, такой граничным з Пряшівском Русю, селом Невицкє на Підкарпатскій Руси, недалеко Ужгорода.
Бл. п. о. Тома Гопко скінчыл в 1963 р. православну семінарию св. Владиміра. Студиювал тіж росийску філолоґію та філософію. Был рукоположений в 1963 році, пак зачал выкладати на своій альма матер. Написал вельо теолоґічных статій, в тым єдну з найбарже знаных його прац, названу підручником “православія”. Завдякы його особливости і великому досвідчыню, справил, же вельох не-православных християн залюбило ся в східній духовости, а декотры выбрали єй як свою дорогу жытя.
Покійний мал жену, пятеро діти, вісемнадцетеро внуків і троє правнуків.
Вічна Йому Памят!
За тым мотузком можете прочытати єдну зо статій о. Томы Гопкы, котра тыкат ся вказівок християньскохо жытя.
(Фото: Wikipedia.org)
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
