Война і мир

“ЛЕМКО” – ґазета для народа – з. квітня 1913 рока оголосила лемківскій секрет Полішынеля.

Секрет, про котрий вшыткы знали, лем каждий ся боял голосно такє повісти. В 1913 році лем реалиі были кус інчы. Наша ґазета, товды, не крыла прорусиньскых і проправославных поглядів. І зато некотры священникы выдали єй войну.

Днес, мы зас не крыєме прорусиньскых поглядів. І зас єден написал про нас, же сме крайны фанатыкы, а другій, же быти прорусиньскым то він розуміє як бытя антиукраіньскым. Для нього то єдно. Так му повіло політбюро, котрого він слухат.

Лем тых двох, то лем двох. Кєд бы інчы священникы мали сміліст, так накрыли бы іх шапками. Шак тамты дают лем вдячны поводы до сміху.

А дистанс од патосу до смішноты – невеликій. То все лем єден… жарт.