Выстава прац Анны Ґайовой
30. вересня 2014 р. в Братиславі одбуде ся вернісаж выставы прац Анны Ґайовой, звязаний з ювілейом 50. річниці народжыня артисткы. В музучній части заграт ансамбль з артистычной школы ім. Ю. Ковальского.
Выставу мож обзерати до 15. жолтня 2014 р.
Анна Ґайова (нар. 1964 в Пряшові) в своім творчым жытю мала уж парудесят індивідуальных і колективных выстав в цілій Европі. Попри малярстві і ґрафіці, занимат ся тіж ілюструваньом книжок і ін. друкуваных выдань, м.ін. русиньскых книжок: поезий Ю. Харитуна, байок М. Ксеняка, ци букварів, чытанок і підручників до вчыня русиньского языка.
