Першы історичны запискы про село появляют ся уж в 1392 році. Наступны аж в 1529 році, коли то Фльоринка зазначана є як село, котре платит єпископови 45 ґрошы податку.
Першый локацийный документ мал ся спалити, зато єпископ Франтишок Красіньскій локує село раз іщы на волошскым праві. Локацийну привілегію мал отримати шолтыс Клеменс Воргач.
В ХVI ст. переходил през Фьлоринку гандльовый тракт з Мадяр до Ґрибова. Село было частю Мушыньского Ключа – історичной латифундиі, котрый мал свою адміністрацию, суды і войско. Мушыньска Держава істнувала до 1781 рока. Пак Фльоринка нашла ся під австро-угорксым пануваньом.
То лем дакус з істориі того цікавого села. Більше слухайте вечером о 20.00 год. Буде тіж про не менше цікаву особливіст наукового світа, а родом з того села.
A Я[К]…? – звиджаня і познаваня Лемковины од А до Я. Історично-ґеоґрафічны прогулькы по селах і знаных, або меньше знаных, особливостях Лемковины. Што тыжден творена єст нова позиция в радийовій енциклопедиі Лемковины.
Коментарі