Маластів находит ся при дорозі Ґорлиці-Конечна-Бардибів, попід убочами Маластівской Маґуры, в долині потока Маластівка. Жытелі села споминают, што іщы в 70. роках ХХ ст. в ріці мож было найти вельо пстругів, а тепер?
В 1918 р. село не підтримало тзв. Ґладышівской Республикы. В селі фунґувала чытальня Товариства Просвіта. В справописі Товариства за 1932 р. Маластів, разом з Панкном і Ропицьом, причысляный был до сел о найбільшым украіньскым влияню в ґорлицкым повіті. Селяне оповіли ся тіж проти введіню в 30 роках ХХ ст. до шкіл на Лемковині вчыня лемківского языка в місце украіньского. Єден з маластівскых парохів, Юлиян Плешкевич, основал в 1929 р. в Маластові орґанізацию Будова Украіны, котра опікувала ся Лемками, якы вчыли ся в украіньскых середніх школах.
Кєд хочете знати іщы дашто з істориі села, слухайте днес о 20.00 год. проґрам з циклю «A Я[К]…?»
Ниже позерайте на знимкы придорожного креста з 1889 р. з нашого архіву. Більше гев.
A Я[К]…? – звиджаня і познаваня Лемковины од А до Я. Історично-ґеоґрафічны прогулькы по селах і знаных, або менче знаных, особливостях Лемковины. Што тыжден творена єст нова позиция в радийовій енциклопедиі Лемковины.
Коментарі