«A Я[К]» в Вышоватці – віторок, год. 20.00

По 1931 р. більшіст грекокатолицкых жытелів Вышоваткы (210 осіб) перешла на православія. В 1932 р. вознесено велику деревяну церков. Штырі рокы пізнійше в Вышоватці мешкало 178 православных і 41 грекокатоликів. В 1938 р. побудувано гын школу.

То лем часто того, што дознате ся про тото лемківскє село в днешнім одтинку проґраму «A Я[К]…?». Буде як все про найскоршы запискы споминаючы місцевіст, про тото в чыім маєтку село ся находило, хто гын жыл і чым ся занимал. То в першій части. В другій – представлена буде специфіка волошского права. Слухайте о 20.00 год.

A Я[К]…? – звиджаня і познаваня Лемковины од А до Я. Історично-ґеоґрафічны прогулькы по селах і знаных, або менче знаных, особливостях Лемковины. Што тыжден творена єст нова позиция в радийовій енциклопедиі Лемковины.