«Камяна то село в ґрибівскым повіті, 576 м н.р.м., в гірскій та лесистій околици, о 6 км од Крениці. Мат грекокатолицку парохію з деревяном церквом, 17 хыж та народну, єдноклясову школу. Жытелів 462.(…) Земля невроджайна, шпильковы лісы.»
Практичні лем ціцьо про село пише «Ґеоґрафічный словник Польского Королівства та інчых славяньскых держав» з 1924 рока. Але про Камяну мож о вельо більше і писати, і бесідувати.
Село славне є на околицю головні через фунґуючый гын центр апітерапіі. Што то такє? Слухайте днешнього проґраму уж о 20.00 год.
Грекокатолицка церков в Камяній, фот. архів ЛЕМ.фм
A Я[К]…? – звиджаня і познаваня Лемковины од А до Я. Історично-ґеоґрафічны прогулькы по селах і знаных, або меньше знаных, особливостях Лемковины. Што тыжден творена єст нова позиция в радийовій енциклопедиі Лемковины.
Коментарі