Языковий Гокус Покус (нажыво) – пятниця, 20.00 год.

В долгій подорожы через гущавину букв і звуків, котры ґрафічні можеме представити як І-И-Ы, повіли сме сой уж о іх істориі, днешнім виді, проблемах і очывидных справах. Недавно было о назывнику, зато тепер пришол час на придавник і подібны йому (за парадиґмом одміны) части, т.є. часопридавник враз з декотрыма місценазывниками і чысловниками. Од днешнього вечера уж каждий буде знал, де і чом буквы і-и-ы треба записати.

Слухайте Языковий Гокус Покус – лем в радию ЛЕМ.фм – 10. лютого/фебруара 2017 р. о 20.00 год.