Зачала ся Літня Школа Русинів зо Сербіі

Од днес (18.07) до 24. липця/юлия в Попраді на Словациі проходит Літня Школа Русиньского Языка, орґанізувана Одділіньом Освіты Нацийональной Рады Русинів Сербіі. То уж друга едиция того проєкту, орґанізувана для школярів зо Сербіі.

Участ в школі бере аж 30 діти і молодежы зо вшыткых міст в Сербіі (окрем Сримской Митровиці) де вчат ся русиньского языка в рамках занять до выбору, або як основного. Занятя з русиньского языка в тогорічній едициі ведут Сенка Бенчук та Каролина Папуґа, з істориі Іван Канюх, ґеоґрафіі вчыт Дарко Бобаль, реліґійны занятя веде о. Владимір Еделиньскій Миколка, а музычны Саша Палєнкаш. Присутны на Літній Школі будут тіж Желько Ковач з Нацийональной Рады Русинів та директор Інституту Войводиньскых Русинів Серґей Тамаш.

Фото/інфо за рутенпрес.