Зас по русиньскы – зас в Празі!
В Чешскій Республиці фурт проходят русиньскы акциі, котры, завдякы інформациям од нашых чытачів, любиме передавати дальше.
Недавно писали сме о 25. стрічы любителів ансамблю “Скеюшан”, котра одбуде ся 16. мая 2015 р. од 14.00 год. в Культурным Домі в Йіркові (чытайте за тым мотузком), а е-майльовы скринкы заполняют ся нам дальшыма русиньскыма подіями в Чешскій Республиці.
Так Скеюшан співал на влонишній стрічы:
Ден по стрічы в Йіркові, 17. мая любителі русиньской народной музыкы і співу Мариі Мачошковой обовязково повинни ся перенести до Прагы, де знана в цілым світи русиньска артистка заспіват в Домі Нацийональных Меншын при ул. Воцеловій 602/3. Концерт зачне ся о 17.00 год.
Послухайте, як вшытых Лемків здравит Мария Мачошкова:
То іщы не вшытко, бо 30. мая 2015 р. мож зас приіхати до Прагы (Restaurace na “Na Ořechovce”, ul. Východní 7), де одбуде ся русиньска забава при музыці ансамблю “Аполлон”. Резервация місц через е-майль: info@rusini.cz. Більше дрібниц найдете на ґрафіці долов.
(фото горі: Wikipedia/CC BY-SA 3.0)
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
