В курорті Высова в найблизший вікенд, 1.-2. липця/юлия т.р., буде проходил шырше знаний на воєвідство фестин «Высова пахніюча зільом». Вчас той едициі подіі, головном темом котрой є зіля зберане на высівскых (такой лемківскых) луках, выступы дадут місцевы ансамблі.
Высова запахне зільом уж в суботу, 1. липця/юлия – пікнік зачынат ся о годині 15.30. Товды тіж выголошена буде прелекция нт. высівского зіля, што здає ся быти інтересуюче, беручы до увагы тото, же столітями нашы прабабы зберали рослины, якы помагали при преріжных хворотах і не лем… В перший ден свята на сцені явит ся ґрупа Дуляровы Братя, яка започаткує дводенну порцийку лемківской музыкы і культуры.
В другій ден проходити будут дальшы акциі свята зеленого в Высові. Лемківскым акцентом в неділю, 2. липця/юлия, буде выступліня бурсяной Терочкы, пізнійше на сцені завитат хор Роса з сусіднього Устя Руского.