Традицийні уж, як каждий рік, приносиме віст о можности зголосити ся як выставця на Лемківско-Погіряньскій Ярмак, орґанізуваний Мазярском Загородом в Лоси (одділ Музею Дворы Карвациянів і Ґладышів в Ґорлицях).
Орґанізатор просит вшыткых народных творців і ремісників зголошувати ся до 4. марця до участи в ярмаку і презентациі своіх выробів. Ярмак буде проходил 13. марця в Мазярскій Загороді в Лоси. Шторока на тій імпрезі презентуваны сут місцевы рукоділа (якы мож сой придбати), вказувана єст традицийна лемківска і погіряньска свяченина, єст выстава писанок, деякы забавы і конкурсы та концерты. Кєд лем вкаже ся детальний проґрам тогорічного ярмаку, одраз передаме дальшы інформациі.
А нич приде ярмак, 5. марця в Загороді мож взяти участ в варштатах Писанкы – Драпанкы на папері. Драпанка то єдна з найстаршых метод крашыня яєц. Вчас варштатів буде мож зробити ґрафіку з мотывом писанкы, здобленой старыма взорами і символами. Ґрафіка буде роблена техніком ґратаж (фран. grattage – драпаня), яка лучыт традицию з сучасністю.
Пониже подаєме контакт, під якій мож ся зголосити до участи в варштатах і ярмаку:
тел.: 18 35 34 363, 601 411 590
е-майль: zagroda.maziarska@gmail.com
фот. материялы орґанізатора
Коментарі