Желаня од ансамблю ЛЕМ.фм

Стала ся нам велика новина / Діва Чыста породила Сына / В той короні ангельской / В той чыстоті панєнской / В той хвили!
Христос ся Раждає!

Згідні з тамторічном надійом, зас ідеме до Вас з короткым словом. Тішыме ся, же повело ся нам перекрочыти наступный поріг, же зас маме можливіст поздоровити Вас з Новым Роком – в нашым лемківскым радию.

Тот, хто годен зрозуміти труд, якій несе зо собом штоденне высыланя новых авдиций, зрозуміе і нашу радіст, повірит в нашу автентичніст, одчує нашу щыріст…

А продолжыня желань одслухате в нашым традицийным святочным джінґли. Каждого рока новый, інчый, рыхтуваный специяльні для Вас і все так само щырый – шак Вы, нашы слухачы і чытачы, сте для нас найважнійшы. Для Вас, про Вас, з Вами!