Зимове «З повагом», просит Павел Малецкій – неділя, 20.00 год.

Зима не розпещат, то дайме хоцкі ся понести зимовым звукам композиций од знаменитых творців. Днешнє «З повагом» презентує музику, котра єднозначні асоциює ся з найстуденійшом частю рока. Як одчували єй перед 200, 300 роками? Послухйте.

Проґрам зачне ся од звуків німецкой коляды «Я зышол з небес» в опрацуваню, котре скомпонувал Ф. Мендельсон. Пак фортепіанова пісня «Листопад» з циклю «Поры рока» П. Чайковского поетичні введе нас в початкы зимовой атмосферы, што підтримат композиция К. Дебюссi «Сніг танцює».

«Зима» од анґлицкого композитора і дослідника народной музикы Р. Воана-Вілямса попереджена буде творaмi С. Прокофєва та Я. Сібеліюса. В дальшій части почути буде мож м.ін. інчый погляд на зиму, тым разом од росийского композитора А. Ґлязунова. А Р. Штраус свойом симфонійом забере нас в Альпы.