Зміны в ресорті Міністерства Адміністрациі і Цифризациі

Днес, 19. вересня 2014 р., новопокликана премєр Польской Республикы, Ева Копач, заявила склад Рады Міністрів. Спосеред зміненых шефів ресортів, находит ся і новий Міністер Адміністрациі і Цифризациі – Анджей Галіцкі, якій заступил в тій функциі Рафала Тжасковского.

Міністерство Адміністрациі і Цифризациі Польской Республикы то уряд, під якій підлігают справы нацийональных і етнічных меншын та реґіонального языка, а тіж за справы реліґій і віроісповідань в єдным Департаменті Реліґійных Віроісповідань та Нацийональных і Етнічных Меншын.

За арт. 154 пкт. 1 Конституциі ПР, по покликаню президентом ПР Броніславом Коморовскым, нова премєр Е. Копач мат 14 дни на отриманя од Сойму ПР вотум довіря для пропонуваной Рады Міністрів. Голосуваня за отриманьом передвидженого законами вотум довіря одбуде ся по выголошыню новом премєр експозе, котре заплянуване єст на 1. жолтня 2014 р.

Новій премєр Еві Копач і новому Міністрови Адміністрациі і Цифризациі Анджейови Галіцкому желаме самых добрых рішынь в справах нацийональных і етнічных меншын, в тым і, а може предовшыткым, лемківской етнічной меншыны.