Знимкы з шуфляды. Бесіда з Фундацийом МЕМО / середа, 9.15 год.
Што остає з місця, коли зникают люде, якы го памятали? Часом фотоґрафія з описом на задній стороні, зошыт з рецептурами бабы або награный голос. Реґіна Паздур і Мацєй Кудлацік з Фундациі МЕМО од близко десятьох років зберают такы сліды. Занимают ся соспільном архівістиком: нагрывают бесіды, діґітализуют родинны колекциі і глядают властителів знимок.
В авдициі оповідают о архівах Новиці і Прислопа та о новым Діґітальным Соспільным Архіві Ґміны Устя Рускє. Споминают лжычкарство, неґативы Максима Васулі зо Ждыні ци фотоґрафіі Андрия Галущака, котрый бусом приіхали до Польщы з Украіны.
Бесідуют о довірю спілбесідників, о тым, што зробити, коли дві особы інакше памятают тоту саму подію, і о темах, о котрых ся долгы рокы молчало. Мают тіж заклик до вшыткых – опишме стары знимкы, нич бракне когоси, хто знат, хто на них є!
Сайт Фундациі Мемо найдете за тым мотузком.
В проґрамі схоснувано композициі Мацєя Кудлаціка.
Премєра проґраму в середу 14. жолтня/октобра о год. 9.15, повторіня в четвер 15. жолтня/октобра о год. 2.30 та в суботу 17. жолтня/октобра о год. 8.30.
Audycję zrealizowano w ramach projektu pn. Horyzont Beskidu Niskiego finansowane z dotacji Rządowego Programu Fundusz Inicjatyw Obywatelskich NOWEFIO na lata 2021-2030
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
