Голосник

Андрий Манайло лавреатом нагороды Pro Cultura Minoritatum Hungariae

0
Русинськый маляр Андрий Манайло остал лавреатом найвысшой Державной Нагороды Нацийональных Меншын Мадяр – Pro Cultura Minoritatum Hungariae, котру признає мадярскє Міністерство Людскых Засобів. Артиста был нагороджений за вызначну діяльніст в обшыри творчости і культуры.

Церемонія нагороджыня так званым «Оскаром» нацийональных меншын одбыла ся 13. жолтня/октобра 2018 рока в Нацийональным Кінематоґрафічным Театрі «Уранія» в Будапешті. Нагороды были вручены державным секретарьом од церковных і нацийональных справ канцеляриі премєра Мадяр Міклоша Шолтеса і заступником державного секретаря за социяльну інтеґрацию Міністерства Людскых Засобів – Каталин Віктор Laner.

Андрий Манайло то артиста-ґрафік, континуатор вызначной русиньской родины малярів і пропаґатор свойой рідной культуры. Творчу діяльніст вызначают паралельно його нацийональны корені і наслідство світового малярства, што переложыло ся на участ в многых выстаках на цілым світі. То тіж лавреат чысленных медженародных одзначынь. Будучы предсідательом Нацийонального Самосправуваня Русинів Мадяр, орґанізувал медженародну збірку образів і медженародны молодіжны творчы таборы для дорослых і молодежы, а тіж вельо науковых конференций і явліня ся чысленных выдань, якы причынили ся до сохраніня русинськой достоменности.

Андрий Манайло то єден з найбарже знаных сучасных русиньскых артистів, якій сохраняючы і розвиваючы свойом діяльністю русинську культуру, пропаґує єй в цілым світі.

Творы Андрия Манайла найдете на сайті артисты: www.manaylo-art.com.

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментар