Голосник

Апостол – 10. Неділя по Сошестві Святого Духа – неділя 11.00 год.

Чітаня з Першого письма святого апостола Павла Корінтянам.

(Братя), видить ся мі так, же нас, апостолів, Бог дав на посліднє місце, як одсудженых на смерть. Бо мы ся стали ганьбов світу, ангелам і людьом. Мы ся стали глупы про Хріста, а вы мудры в Хрістови. Мы слабы, а вы силны, вы славны, а мы безчестны. Аж дотеперь мы голодны, затліты, нагы, терпиме мукы і блукаме ся. Своїма руками мусиме тяжко робити; огваряють нас, мы благословиме; пронаслідують нас, мы терпиме. Лають нас, мы ся молиме за них! Аж дотеперь мы як бы смітя того світа, про вшыткых на потоптаня. Не пишу вам зато, жебы єм вас заганьбив, але зато, жебы єм вас як свої дорогы діти напомянув. Бо хоць бы вы мали десять тісяч пестунів в Хрістови, отців многых не мате, бо я вас через Євангеліє зродив, в Ісусови Хрістови. Зато вас прошу: наслідуйте мене, як я Хріста.


Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець.
Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

 

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі