Голосник

Апостол – 22. Неділя по Сошестві Святого Духа – неділя 09.20 год.

Чітаня з Письма святого апостола Павла Ґалатянам.

(Братя), смотьте, якыма великыма буквами вам пишу свойов руков. Тоты, котры ся хотять хвалити тілом, вас силують обрізати ся лем зато, жебы їх не пронаслідовали за Хрістів крест. Бо ани тоты, котры суть обрізаны, не дотримують закон, но хотять, жебы і вы дали обрізати ся, а они так могли хвалити ся вашым тілом. Но я ся не буду хвалити (ничім), хыбаль лем крестом Господа нашого Ісуса Хріста, в котрім є світ роспятый мі, а я світу. Бо в Ісусови Хрістови обрізаня або необрізаня нич не значіть, лем нове сотворіня. Тым, котры будуть робити подля той рады, покій і мілосердя! А так само і Божому Ізраілю! Най мі уж нихто не задавать трапліня, бо я ношу язвы Господа Ісуса на своїм тілі. Благодать Господа нашого Ісуса Хріста най буде з вами, братя. Амінь.


Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець.
Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

Апостол в русиньскым языку высыламе в неділю о 09.20 год., повторіня в неділю о 12.20 год. і в понедільок о 02.20 год.

Шеруй.

О авторі

Avatar

Коментарі