Голосник

Апостол – 8. Неділя по Сошестві Святого Духа – неділя 11.00 год.

Чітаня з Першого письма святого апостола Павла Корінтянам

(Братя), прошу вас в імені Господа нашого Ісуса Хріста, жебы сьте вшыткы бісідовали єднак і не были меджі вами звады. Будьте єднакого нагляду і єднакой думкы. Бо я ся о вас дізнав, братя мої, од домашніх Хлоіса, же меджі вами є незлагода. Хочу тым повісти тото, же каждый із вас говорить: “Я — Павлів!” – “Я — Аполлосів!” – “Я — Кіфів.” А я — Хрістів! Ці Хрістос є розділеный? Ці Павел быв за вас роспятый? Або ці в імя Павла вы были покрещены? Дякую Богу, же я никого з вас не крестив, окрім Кріспа і Ґаія а так нихто не може повісти, же вы были покрещены в моє імя. Крестив я тыж і Стефанів дім; а ці іщі і дакого другого я крестив, не знам. Бо Хрістос мене не послав крестити, но проповідати Євангеліє, правда, не в мудрых бісідах, жебы Хрістів крест не зістав порожній. Бослово о кресті є глупота про тых, што пропадають, но про нас, котры чекаме спасіня, є Божа сила.


Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець.
Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.
Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі