Голосник

«Бесіда» – місяці вересен і жолтен

На долгы осінні вечеры рекомендуєме взяти до рук найновше чысло часопису Стоваришыня Лемків – «Бесіда», ч. 5 (170), вересен-жолтен 2019 р. В выданю мож чытати м.ін.:
  • Наталія Малецка-Новак, «То істория о зниканю, а не проба реконструкциі лемківской культуры» – бесіда з режысером спектаклю «Єм памятю» Войцєхом Фаруґом;
  • Петро Трохановскій, ХV Світовый Конґрес Русинів – реляция;
  • Севериян Косовскій, Креницкій ювілей Бесіды – реляция;
  • Богдан Горбаль, Моя Бесіда;
  • Ярослав Горощак, ХХХIX Лемківска Ватра на Чужыні – реляция;
  • Севериян Косовскій, Лемкы од першых дни войны бороли ся за свою і не свою свободу.

Окрем выже выміненых статий, в часописі чытати мож шор інформаций в части Новины, не новины – не лем з Лемковины. Явило ся тіж інтервю по польскы Альдоны Ланєвской-Воллк з Моніком Шнайдерман, авторком книжкы Порожній ліс.

Част Выдавнича поличка приносит нам рецензиі трьох книжок, якы остатнім часом явили ся в лемкознавчым просторі. Можеме чытати про альбом Забыти образи, якій презентує море знимок од Джона Маслея, еміґранта до ЗША, якій до выселіня одвиджал своіх близкых в Бересті і записал на кадрах красу давной Лемковины. Є тіж рецензия книжкы Барбары Палюховой Дар памяти ІІ – давны люде, родины, давны хыжы. Даміан Трохановскій дал рецензию публикациі од Ванды Ломніцкой-Дуляк пн. Надпопрадска давнина. Бесіда і культура Гуралів з околиц Пивничной.

В части Одышли од нас – Попращали мы, чытати мож слово про бл. п. Розалию Русинко і кондоленциі од Кружка СЛ в Ліґници.


Двомісячник «Бесіда» то часопис Головного Заряду Стоваришыня Лемків, выходит од 1989 рока, присвяченый єст збережыню істориі, культуры і языка Лемків, інформуючый о жытю нашой і братніх нам соспільности, плекаючый вірні надіі прадідів і вітців.

«Бесіду» мож почытати в бібліотеці Руской Бурсы в Ґорлицях, котра отворена єст од понеділька до пятниці в год. 08.00-16.00, або по індивідуальным догваріню в інчым терміні. Ґазета є тіж доступна в локальных Кружках Стоваришыня Лемків в Польщы.

Шеруй.

О авторі

Севериян Косовскiй

Народженый на чужыні. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Любитель давной Лемковины. Годен годинами слуxати про втрачене лемківскє щестя. Актуальні веде веселый проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментарі