Голосник

Ден Стоваришыня Лемків ака «На выборы! #2» – Напілперек (сезон 5) нажыво – понедільок, 20.00 год.

Толпы люди, якы чуют і слухают, долго нас просили, просили. Мы фурт одказували і одказували, видівшы присыланы жаданя привернути штотыжньовый проґрам циклично повторювальный, най же іде він каждый тыжден.

Направляли сме дискурс на інчы дорогы, жонґлювали словным змістом, абы го представити нарубы, аж і єден-другій ходил, просил, горозил. Розуміючы повагу справы, адекватніст ситуациі, уступили сме, бо бык бачы не пробачыл, а і бача быкови не простил. Най же ся веде каждому так, як і нам ся веде – худобно, але з головом горі. І то была єдина ціль…

Выборчый маратон полетіл уж далеко дальше, як тых спортовых античных сорок два з гаком кілометрів. Він окружыл уж осмыраз нашу плянету, хоц здає ся, же стоіт в місци, бо выгрыват го лем єден постійно найліпшый чемпіон. Дощ му не вадит, сонце не гріє, а вітер в очы – здавало бы ся, же стримуючый – дозвалят розложыти крыла і перхати понад земльом.

Просиме на 20.00 год. в понедільок, 8. квітня/апріля 2019 рока. Нажыво – лем в радию ЛЕМ.фм!

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментарі