Ансамбль Рутенія представлят «Землю обіцяну» в Старій Любовни

8. 12. 2019, Стара Любовня, Stará Ľubovňa

Русиньскій Фольклорный ансамбль Рутенія з Братиславы зрихтувал нове видовиско. Є то танцювально-драматична інсценізация, котра приближат публиці діі звязаны з тзв. оптациями, коли то тисячы люди, головні Русины, через аґітацию добровільні перенесли ся по II світовій войні жыти на обшыр Совітской Украіны. Подібні як Лемкам – обіцювано ім рай, жытя вказало ся єднак на вельо тяжше як дома.

Вертати ся могли од 60. років. Інсценізация не є дослівным представліньом тых фактів, хоснуваны сут і одкликаня до біблиі. Через історию єдного героя вказана є доля цілого народа і його гляданя выхыреной землі, богатой в молоко і мед. Ініциятором до зробліня такого представліня был ведучый ансамблю – Петро Штефаняк, сценарий написал Петро Медвід, якій і вырежысерувал пєсу. На сцені видіти мож м.ін. Йосифа Пантлікаша і Володиміра Чему, котры выступуют тіж в Театрі Александра Духновича в Пряшові. За музичну част одповідат народный ансамбль Радослава Кертіса, а в ролях діти видіти мож членів Дітячого Фольклорного Ансамблю Ґайдошік зо села Нова Дєдінка.

Більше найдете гев.

Loading Map....

Повязаны дописы

Польковиці 103,8 МHz
Ґорлиці 106,6 MHz