Голосник

Фотореляция з Перегляду Колядничых Ґруп 2018 (фот. Петро Басалыґа)

28. січня/януара 2018 р. в Ґорлицкым Центрі Культуры проходил Перегляд Колядничых Ґруп, котрий рік річні орґанізує Стоваришыня «Руска Бурса» в Ґорлицях. Участ в ним взяла більше як сотка (і то гідні) колядників при выполненій по берегы сали.

З огляду на фурт збільшаюче ся чысло ґруп і діти та ограничений простір в бурсі, того рока перенесено колядуваня і перегляд зорґанізувано на великій сцені в Ґорлицкым Центрі Культуры. Приголосили ся праві вшыткы школы, в котрых ведене єст вчыня лемківского языка на обшыри ґорлицкого повіту – од предшколя по ліцей.

Запрезентували ся:
основна школа з Ґладышова (клясы 1-3, опікунка: Варвара Дуць)
основна школа з Баниці (клясы 2-7, опікунка: Анна Рыдзанич)
основна школа зо Снітниці (клясы 2-6, опікунка: Варвара Дуць)
ґрупа Колядочка з Кольбушовой (опікун: Ярослав Мазур)
основна школа з Бурнар (клясы 3-6, опікунка: Анна Рыдзанич)
основна школа з Ґладышова (кляса 7, опікунка: Варвара Дуць)
основна школа з Бодаків (опікунка: Орина Гутиряк)
ансамбль Терочка (кєрівник: Андрий Трохановскій)
основна школа з Высовой (опікунка: Анна Рыдзанич)
основна школа з Ґладышова (клясы 4-6, опікунка: Варвара Дуць)
І Загальноосвітній Ліцей ім. М. Кромера в Ґорлицях
основна школа з Ганчовой (опікунка: Анна Рыдзанич)

Імпрезу вела Моніка Тылявска, котра заєдно зорґанізувала Перегляд Колядничых Ґруп.

Позерайте на знимкы авторства Петра Басалыґы.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі