Голосник

Фотореляция з вечернього поломництва на Св. Гору Явір

0
Приносиме фотореляцию з пішого вечернього поломництва на Святу Гору Явір. В послідню суботу, 15. вересня/септембра 2018 р. грекокатолицкы вірны путували до явірской Богородиці, одвиджаючы при нагоді дакілько нашых храмів. Поломництво зышло ся в тот ден з фестівальом «При Джерелах», якій завитал на вершок Горы Явір.

Поломникы зачали пут од молитвы в церкви свв. Космы і Даміана в Баници. Пак пішли до Ізб, де одвиділи муруваний храм св. Лукы, в якым до выгнаня находила ся чудотворна ікона Покровы Пресвятой Богородиці, істория котрой повязана є іщы з часами Барской Конфередациі.

З Ізб поломникы путували до біличняньской церкви, де тіж пристанули на молитву. Пак польско-словацком границьом пришли пізным вечером на вершок Св. Горы Явір. В тым часі в каплици на Горі Явір проходил в рамках ІІІ Медженародного Музычного Фестівалю «При Джерелах» концерт пн. «Музычна молитва при блеску свічок».

Більше знимок і дальшы інформациі найдете на сайті орґанізаторів веденым в лемківскым языку.

Шеруй.

О авторі

Севериян Косовскiй

Народженый на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар