Голосник

Гнатко Кобаса – З Коростенкы в Ягільницю – (перша част) – 70 процент – субота, 20.00 год.

0
Хоц він з 1927 рока, а іщы робит на ґаздівці, рідко кличе дакого до помочы… Так долго Гнатко уж прожыл ту, а єднако доднес снит ся му рідна Коростенка. І церков, і поля, і ліс… І рідны люде доокола, і вечыркы…

А коли пришол в тоту церков по тільо роках, така зімала го туга, така самота: іде тілько люди до храму, правда, уж римокатолицкого, а він никого, цілком никого з них не знат!  Вшыткы доокола чужы… Ани єдной рідной душы…

«Цне мі ся за тобом, мій лемківскій краю»- так зове ся Реґіональний Фестіваль Лемківской Пісні в Ягільници при Чорткові. «Цне мі ся за тобом доднес…» – думат Гнатко Кобаса, сідячы на другій лавці, праві пред самом сценом. Слухат співанкы – вельо з них співали і в рідній Коростенці. А іщы го выкликали на сцену і нагородили грамотом. Він не знал чом. А мы знаме. Бо то єден з остатніх Коростенчан, якы ся вродили в тым селі – і іщы доднес сут Лемками. Іщы доднес сут…
Шеруй.

О авторі

Вродила ся в 1970 році во Львові. І уж неодолга писала, малювала, но і витинала преріжны річы з паперя. І робит тото доднес, але тепер уж в Івано-Франківску. До Лем.ФМ трафила припадково. До того часу робила з дітми, вчыла іх журналистыкы і малюваня. Барз любит люди, якых презентує слухачам в проґрамі «70%». Грызе ся, же єдного дня правдивы Лемкы можут ся скінчыти. Зато, жебы зімати диктафоном вшыткых, глядат когоси доброго і щырого до помочы… Як хочете дашто повісти, то пиште: anna_kyrpan@bigmir.net

Коментар