Голосник

«Говорить Пряшів» – пятниця, 20.00 год.

0

Но і мунил ся нам дальший тыжден, а за тот час як все вельо ся подіяло. Дай Боже, жебы лем добре ся водило, та товды вшыткы будут в ліпшых гуморах, а не єден залучыт сой радийо і буде слухал радістных річы та музыкы. Но, але за тот час што нас ту не было, то на Лемковину пришла – певно кус іщы неждана – студена зима. Впал сніг і поморозило. 

Подіяло ся вельо, бо і час поплынул. Што раз близше піст, якій вшыткых нас вытишыт, а зрыхтує на Різдво і Новий Рік. І нияк не за скоро о тым Вам припоминаме. Предовшыткым заран будут проходити забавы, гулянкы, якы вштыкы знаме під меном остатків. Остатній раз ся побавиме, погуляме і поспіваме обычны співанкы о жытю і любовы, ци о любовы і войні. Бо преця о тым найчастійше любиме співати. 

Співают тіж очывидно в нашым радию. І не перестанут співати. А коли ся співанкы кінчат то даєме шумны проґрамы. Так власні в пятниці о 20.00 год. слухаме все поучытельной премєры голосу од Пряшова. Днес тема близка серцю Русинів з Лемковины. М. ін. в Книжници.Фм вершы Учытеля Лемковины – Івана Русенкы. Одчытат іх професийний актор Театру Александра Духновича в Пряшові, Ігор Латта. 


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

 

Шеруй.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар