Голосник

Камеральна Оркєстра Концертіно і Сестры Бочнєвич

0

Недавно явила ся платня Камеральной Оркєстры Концертіно (Orkiestra Kameralna Concertino). То четверте выданя з сериі Music for viola, на котрым находят ся творы американьского композитора і музыка Майкеля Клімбера. Посеред них найдеме і єден твір, якій співают члены оркєстры – Сестры Бочнєвич (Рамона і Наталія Бочнєвич), лемківску версию польской народной пісні Ты підеш гором (Ty pójdziesz górą).

Камеральна Оркєстра Концертіно была основана осніню 2011 р. дириґeнтом Мареком Сівком. Хоц діє недолого, мат уж великє досвідчыня на сцені, з репертуаром Моцарта, Гайдна, Ґурецкого і вельох інчых. Остатнім часом узко спілпрацує з американьскым композитором Майкельом Клімбером і альтовіолістом Марціном Муравскым з познаньской Музычной Академіі.

Сестры Бочнєвич, то проєкт, котрий зродил ся в 2009 р. Спочатку было то родинне тріо сестер Наталіі і Рамоны, граючых на гушлях, та іх вітця Адама (ґітара). Потім, сестры запросили до проєкту смычковий квартет, чым зачали лучыти красу лемківской народной музыкы з поважном музыком. Тот барз уданий експеримент принюс в 2012 р. выданя платні “Струнами Серця”, на котрій, окрем народных лемківскых пісен, находит ся авторска пісня Зашло сонце – вшытко в народно-клясычным климаті і чудовым выконаню.

Долов, найдений в сервісі YouTube кавальчык концерту Камеральной Оркєстры Концертіно.

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментар

Камеральна Оркєстра Концертіно і Сестры Бочнєвич

0

Недавно явила ся платня Камеральной Оркєстры Концертіно (Orkiestra Kameralna Concertino). То четверте выданя з сериі Music for viola, на котрым находят ся творы американьского композитора і музыка Майкеля Клімбера. Посеред них найдеме і єден твір, якій співают члены оркєстры – Сестры Бочнєвич (Рамона і Наталія Бочнєвич), лемківску версию польской народной пісні Ты підеш гором (Ty pójdziesz górą).

Камеральна Оркєстра Концертіно была основана осніню 2011 р. дириґeнтом Мареком Сівком. Хоц діє недолого, мат уж великє досвідчыня на сцені, з репертуаром Моцарта, Гайдна, Ґурецкого і вельох інчых. Остатнім часом узко спілпрацує з американьскым композитором Майкельом Клімбером і альтовіолістом Марціном Муравскым з познаньской Музычной Академіі.

Сестры Бочнєвич, то проєкт, котрий зродил ся в 2009 р. Спочатку было то родинне тріо сестер Наталіі і Рамоны, граючых на гушлях, та іх вітця Адама (ґітара). Потім, сестры запросили до проєкту смычковий квартет, чым зачали лучыти красу лемківской народной музыкы з поважном музыком. Тот барз уданий експеримент принюс в 2012 р. выданя платні “Струнами Серця”, на котрій, окрем народных лемківскых пісен, находит ся авторска пісня Зашло сонце – вшытко в народно-клясычным климаті і чудовым выконаню.

Долов, найдений в сервісі YouTube кавальчык концерту Камеральной Оркєстры Концертіно.

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментар