Голосник

Карпатскы секвоі – Напілперек (сезон 5) нажыво – понедільок, 20.00 год.

0
Великє чысло слухачів долго нас просило, просило. Одказували і присылали жаданя привернути каждотыжньовый проґрам циклично повторювальный.

Долго сме одмавляли, выгваряли і оправдали ся. Нич тото нам не помогло. Поясняме, што лем під загорожыньом, неспокійны о дальше фунґуваня радия ЛЕМ.фм будеме згаданый проґрам робити. Адже ждеме на потрясаючы коментарі, неприхыльны оціны, злосливы критикы.

В днешным проґрамі про – преподобный кожух, алерґію на кашляня і вырубаны карпатскы лісы. До того купета несподіванок. Долов перша з них – карпаторуска згадуванка.

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар