Mузычнo–танцувальны варштаты в Новици і Ґорлицях

Передаючы зміст єдной з ґамбокнижковых подій, в днях 15.-17. мая т.р. в Новици і Ґорлицях будут проходити музычно-танцувальны варшаты пн. Новиця – другє одкрытя (Nowica – drugie otwarcie), котры сут дедикуваны ученикам ґорлицкой Державной Музычной Школы ім. І. Падеревского. Сесу віст приносиме з причыны специяльного гостя, котрым на майовых варштатах буде лемківска співачка Юлия Дошна.

Більше деталів найдете за тым мотузком.

Nowica_Drugie_Otwarcie_2015

фото: facebook.com


Юлия Дошна то єдна з найбарже знаных лемківскых співачок. Свою музычну карєру зачынала в ансамблю Лемковина, котру тепер континуує в сольовым выданю. В серци фурт носит свій образ Лемковины, котрий в характеристычний для себе спосіб передає захопленым єй голосом слухачам.

Окрем актуальных проєктів, котры мож видіти на єй концертах, спів Юлиі Дошны можете почути на касеті “З колядами по Карпатах” і двох платнях “Там на Лемковиі” і “Чого плачеш”. Платня “Там на Лемковиі” остала лавреатом Фолькового Фоноґраму Рока в едициі за 2000 р. (то єден з найбарже престіжовых фольковых конкурсів в Польщы).

Культура

Про автора

Севериян Косовскый
Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментар