Голосник

Народова Оркєстра Руснаків

По годині 20.00 запрашаме на неповторний концерт Нацийональной Оркєстры Русинів.

До нашого радия дішла платня з музыком, якой дармо было бы глядати на Лемковині. Інститут Культуры Войводіньскых Русинів, державна, нацийональна інституция культуры Сербіі, ініциювала выданя оркєстровых награнь обробок русиньскых співанок, танців і пісeн, котры на оркєстру зааранжували Мирон Сивч і Юлиян Рамач. Творы награла Нацийональна Оркєстра Русинів, котра возникла в 2008 року. Свій перший концерт оркєстра заграла в 2009 року в Рускым Керестурі в часі Нацийонального Свята Русинів.

Як пише во вступі до выдавництва пан Славко Орос, каждий нарід і кажда спільнота, тым є міцнійша, коли є зорґанізувана і свідома своіх пріоритетів. Як результат того зорґанізуваня, з часом основаны сут інституциі, котры чувают, плекают і розвивают вершыновы досягы єдиниц, якы творят тот Нарід і спільноту) – сохраняючы тым способом власний духовий скарб.

Радийо ЛЕМ.фм дякує за тот дарунок.

ork

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі