Голосник

Нікколо Паґаніні, «З повагом», просит Павел Малецкій – неділя, 20.00 год.

Паґаніні (1782-18440) был геніяльным італийскым віртуозом гушель і композитором. Концертувал в цілій Европі, десяткратні в самій Варшаві. На молодым Ф. Шопені выступы Паґаніні зробили великє вражыня. Был творцьом нового рода віртуозериі, котра зреволюцийонізувала гушлярску техніку.

Паґаніні уважаный был за демона гушель. Скомпонуваны ним 24 каприсы на гушлі сольо по днес сут компендийом модерной гушлярской технікы. В композициях помістил ціле віртуозерскє знаня. Быти може тот збірник был імпульсом до скомпонуваня Етюд Ф. Шопеном. Особисто ся знали.

Найбільшым осягніном Паґаніні є створіня канону гушлярской технікы, котрый обовязує по днес. Розвинул віртуозерскы середкы і створил шор новых. Імітувал примірово голосы звірят або інчы інструменты, грал на єдній струні, хоснувал фляжолеты, вельозвукы та піццикато лівой рукы при єдночасным граню смыком на высшых струнах, што было його розпознавальным знаком.

Лем в молодости грал на концертах творы інчых композиторів, його пізнійшым репертуаром были выключні власны композициі.

В проґрамі почуєте м.ін. його славны концерты (І і ІІ), пару Каприсів і дакус знаных творів інчых клясиків.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі