Голосник

Ортоґрафічний Гокус Покус (нажыво) – неділя, 20.00 год.

Давно тому, коли пишучий тоты слова ходил до основной школы, учытелі польского языка давали приміры, як вырішыти проблемы польской ортоґрафіі і правильне записаня польскых rz–ż ó-u, або h-ch. Тоты пары звучат в польскым языку ідентычні, зато фурт являл ся проблем, котра форма правильна? В давных часах, коли в школах обовязковым предметом был росийскій язык, учытелі прібували пояснити, же давне польскє rzeszoto то росийскє решето, a rzeka то река, зато легко сой переложыти знаня з єдного на другій язык.

Одколи не каждий ся вчыт росийского языка, тото таємне знаня фурт можут хоснувати Лемкы, беручы приміры решето і ріку, пишучы правильні по польскы через rz, а не ż. Але сут деякы несподіванкы. 🙂 І о них же буде днешній Языковий (Ортоґрафічний) Гокус Покус.


Языковий Гокус Покус – радийовий проґрам про лемківскій язык во вшыткых його аспектах і просторах. Премєра в неділю 20. грудня/децембра 2015 р. о 20.00 год., повторіня о ден о 2.00, 8.00 і 14.00 год. за лемківскым часом. Лем в радию лем.фм!

jhp

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментарі