Голосник

Перше оповіданя з Лелюхова – 70 процент – неділя, 18.00 год.

Пан Михал Ляшеник докладні вчыт кореспондентку ЛЕМ.фм, як робити як найліпшы ґонты, а тіж оповідат, як оциґанити пограничну варту.

Він жыє уж долгы рокы в Підгайцях тернопільской области – а вшытко в Лелюхові памятат так, якбы лишыл го іщы вчера. Почуєте тіж про село Чікаґо, про потік Смеречын, же все плынул криво по долині, і лем совітска влада заставила його плынути рівно, про хлопця, же не знал стріляти карабіном, але стрілял і трафил аж до Кошыц і іщы кус цікавого.

Шеруй.

О авторі

Avatar

Вродила ся в 1970 році во Львові. І уж неодолга писала, малювала, но і витинала преріжны річы з паперя. І робит тото доднес, але тепер уж в Івано-Франківску. До Лем.ФМ трафила припадково. До того часу робила з дітми, вчыла іх журналистыкы і малюваня. Барз любит люди, якых презентує слухачам в проґрамі «70%». Грызе ся, же єдного дня правдивы Лемкы можут ся скінчыти. Зато, жебы зімати диктафоном вшыткых, глядат когоси доброго і щырого до помочы… Як хочете дашто повісти, то пиште: anna_kyrpan@bigmir.net

Коментарі