Голосник

Поздравляме з Йорданом!

Днес, 19. січня, за юлияньскым календарьом, східні Церкви святкуют великій праздник Крещыня Господнього, по русиньскы традицийні званий Йорданом. То на памят подій з жытя Ісуса Христа, котрий принял крещыня в ріці Йордан од Йоана Крестителя.

Як чытаме в євангелиях (од св. Йоана 1:28 і од св. Лукы 3:23), 30-літній Ісус Христос пришол над ріку Йордан, де Йоан Креститель, часто припоминаючий о скорым приході Месиі, крестил люди. Там, Христос, при присутности народа, принял од нього крещыня, зачынаючы тым самым пут земной проповіди.

Разом з праздником Йордану, святкуване єст Богоявліня (з гр. Θεοφάνια – Теофанія), коли то по Крещыню объявила ся Свята Трійця: Голос Бога Отця, Окрещений Сын і Дух Святий в виді голубиці

Днес в церквах, по Божескій Літургіі одбут ся Великы Свячыня воды. Там, де єст змога – на ріці, озері, в вырубаным прорубі. Потім вірны занесут свячену воду домів.

Поздравляме зо святом Йордану!

(горі: ікона Крещыня Господнього авторства Ю. Новосільского)

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментарі