Голосник

Пренос Божеской Літургіі з церкви Рождества Пресвятой Дівы Мариі в Ґожові – неділя, 15.00 год.

Просиме слухати пренос Божеской Літургіі з церкви Рождества Пресвятой Дівы Мариі в Ґожові Великопольскым, в любушскым воєвідстві.
Православна церков Рождества Пресвятой Дівы Мариі в Ґожові Великопольскым приналежыт до щеціньского деканату вроцлавско-щеціньской єпархіі Польской Автокефальной Православной Церкви. 

Першы літургіі для вірных в Ґожові Великопольскым были одслужены на Великден 1963 р. і товды была зряджена православна парохія. Церков была выставлена в роках 1989-1995 завдякы жервенности в векшыні лемківскых родин – переселеных в Акциі Вісла на західні польскы землі з села Королева Руска при Новым Санчы та іх потомных. Храм был высвяченый 21. версня/септембра 1995 р. Митрополитом Васильом за участи владыкы Єреміі, предстоятеля вроцлавско-щеціньской архієпархіі, владыкы Адама, предстоятеля перемышльско-новоцанчівской єпархіі і владыкы Авеля, предстоятеля люблиньско-холмской єпархіі.

Днешню Божеску Літургію служыт отец Ярослав Шмайда.

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі