Голосник

Пренос Божеской Літургіі з церкви Св. Михала Архангела в Соколовску – неділя, 15.00 год.

Просиме слухати пренос Божеской Літургіі з церкви св. Михала Архангела в Соколовску на Нижнім Шлеску.
Православна церков св. Михала Архангела в Соколовску приналежыт во вроцлавского деканату вроцлавско-щеціньской єпархіі Польской Автокефальной Православной Церкви. 

Была она поставлена в 1901 р. з благословліньом петербуржского митрополиты Палладия для вірных, якы приходили лікувати ся в гірскых курортах Судетів. Церков служыла вірным до початку ІІ світовй войны.

Стараньом православной парохіі свв. Кірила і Методия во Вроцлаві была церков в Соколовску выкуплена і по ґенеральным ремонті привернена до справуваня богослужынь. 5. квітня/апріля 1997 р. Высокопреосвященійшый Владыка Єремія, предстоятель вроцлавско-щеціньской архієпархіі, посвятил храм.

Днес церков в Соколовску єст парохіальным храмом для вірных з Соколовска і польско-чешского погранича.

Днешню Божеску Літургію служыт отец Євгеній Цебульскій, котрый слухачів лемківского радия сердечні позыват навщівляти соколівскій храм.

 

 

церков св. Михала Архангела в Соколовску

церков св. Михала Архангела в Соколовску

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі