Голосник

Про Талергоф в Тыличы

В суботу 11. жолтня тр. в Тыличы в часі Лемківской Творчой Осени – стрічы писменників з Лемковины, Украіны і Пряшівской Руси, чествувано памят жертв лаґру в Талергофі.

Презентувано выставу пн. „Лемковина в Талергофі”, котру прирыхтували Павел Ханас – зміст, Давид Квока – ґрафіка. Мож было выслухати двох лекций – Анджей Зємба радил про подіі Великой Войны на Лемковині, а Дневник Лемка з Талергофа Теофіля Куриллы аналізувала Олена Дуць-Файфер.

Одслужено панихіду за жертвы австрийского террору при горбах тылицкых вязнів лаґру – отця Емилияна Венгриновича, Ілиі Сенька і Петра Брунарского.

Спис вязненых в Талергофі зо села Тылич:

  • отец Емілиян Венгринович,
  • Йоан Андрейко, хориста в Чехах,
  • Мария Джуган з Жеґєстова над Попрадом,
  • Штефан Джуган, учытель
  • Ілия Сенько,
  • Михал Сенько,
  • Андрий Ґарбера, лісовий сторож камеральний,
  • Теодор Пастернак,
  • Петро Брунарскій,
  • Димитрий Дзядик,
  • Лев Бреян,
  • Йоан Цьолка,
  • Симеон Бабей,
  • Афанасий Гамерник,
  • Діонисий Бадарик, слюсар,
  • Йоакым Копач,
  • Теодор Чеканик,
  • Василь Криницкій,
  • Антоний Андрйко.

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі