Голосник

Раз, два, три – «Два і два» – віторок, 20.00 год.

0

В єдній недалекій краіні долго тырвала диктатура. Рядила в нєй монопартия, котра в проґрамі мала записану доґму, што два і два єст девят. Вшыткых несогласных, котры тримали ся погляду, што два і два дає інче чысло, вязнили, били, звільняли з роботы, оддавали в психушку, або примушали до еміґрациі на Сибірі.

Стало ся так, што єдного дня дішло там до пучу. Потім ся іщы барже вшытко покомпликувало і пришла нова власт, котра почала вводити доцяп інчы порядкы. До функций пришли люде єдной фракциі зо старой партиі, котры ся перемалювали та приняли, што на обшыри, котра ім припала, од 1. грудня/децембра 1991 рока два і два буде сім…

Цілю дальшого голошыня незаконной математикы і дальшого даваня підпоры вшыткому «в темно» зобовязую писати і чытати тексты в кодифікуваным русиньскым языку.

Днес – 13. грудня 2016 рока – «Два і два».

підписано – Ґамбаль Богдан

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар